ሰባተኛው ክልል አቀፍ የቴክኒክና ሙያ ኮሌጆችና ፖሊቴክኒክ ኮሌጆች የቴክኖሎጂ ሲምፖዝየም፤ ኤግዝቢሽን፤ የካይዘንና የክህሎት ውድድር ከሚያዝያ 2 እስከ ሚያዝያ 5/2013 በደሴ ከተማ ወ/ሮ ስኂን ፖሊቴክኒክ ኮሌጅ ተካሄደ፡፡ በውድድሩ በርካ የክልሉ ኮሌጆችና ፖሊቴክኒክ ኮሌጆች በቴክኖሎጂ፤ በካይዘን፤ በክህሎትና በተግባራዊ ጥናትና ምርምር ውድድር ያካሄዱ ሲሆን የኮምቦልቻ ፖሊቴክኒክ ኮሌጅ መምህራንና ሰልጣኞች በቴክኖሎጂ፤ በካይዘን፤ በክህሎትና በተግባራዊ ጥናትና ምርምር ጠንካራ ፉክክር በማድረግ 14 ሽልማቶችንና 2 ዋንጫዎችን ከአብክመ ቴክኒክ ሙያና ኢንተርፕራይዞች ልማት ቢሮ ምክትል ኃላፊ ከሆኑት አቶ ድረሴ እሸቱና ከአቶ ካሳ ዓለሙ እጅ ተረክበዋል፡፡ ይህ በእንዲህ እንዳለ ኮሌጁ ከጊዜ ወደ ጊዜ በማቴሪያልና በሰው ኃይል አደረጃጀቱ አቅሙን እያሳደገ እና የሚሰጠውን የቴክኒክና ሙያ ስልጠና ከዓለም አቀፍ ገበያው አንፃር ተወዳዳሪ ለማድረግ የካይዘን የጥራት ማስጠበቂያ መሣሪያ የሆነውን የካይዘን ፍልስፍና ለረጅም ጊዜ ተግባራዊ እያደረገ በመምጣቱ ለውድድር ቀርቦ አንደኛ በመውጣት የዋንጫ ተሸላሚ ሆኗል፡፡ ኮሌጁ በካይዘን የጥራት ስራ አመራር ትግበራ ብልጫ ማግኘቱ በአማራ ክልል የቴክኒካል ዩኒቨርስቲ ለመሆን የሚያስችለውን ወሳኝ ምዕራፍ መሸጋገሩን አመላካች ነው፡፡ **በህዝብ ግንኙነት የሥራ ሒደት የተዘጋጀ **