የኮምቦልቻ ፖሊቴክኒክ ኮሌጅ በአውቶሞቲቭ ቴክኖሎጂ ዘርፍ በአገር አቀፍና በምስራቅ አፍሪካ የልህቀት ማዕከል ለመሆን ከዓለም ባንክ ባገኘው 12.85 ሚሊዮን ዶላር የፕሮጀክት ተግባራትን እያከናወነ ይገኛል፡፡ በኢስትሪፕ (EASTRIP) ፕሮጀክት በእቅድ ተይዘው እየተፈፀሙ ካሉት ተግባራት መካከል የተሸከርካሪ ግዥ ጥያቄው በብሔራዊ ኢስትሪፕ ማስተባበሪያ ዩኒት በኩል ተፈፅሟል፤፤ በብሔራዊ ማስተባበሪያ ዩኒቱ በኩል በመጀመሪያ ዙር ተገዝተው ወደ ሀገር ውስጥ ከገቡት 23 ፒክ አፕ ተሸከርካሪዎች ውስጥ በሳይንስና ከፍተኛ ትምህርት ሚኒሰቴር ድልድል መሰረት አንድ ፒክ አፕ ለኮምቦልቻ ፖሊቴክኒክ ኮሌጅ በመሰጠቱ በኮሌጁ ንብረት ኦፊሰር በአቶ ረታ ይማም በኩል ኮሌጁ ተሸከርካሪዋን ተርክቧል፤፤ ተሸከርካሪው በኮሌጁ እየተተገበረ ለሚገኘው ኢስትሪፕ ፕሮጀክት ሥራ አገልግሎት እንዲውል ታስቦ የተገዛ መሆኑን የሳይንስና ከፍተኛ ትምህርት ሚኒሰቴር የመኪናዎእ ርክክብ እንዲፈፀም ከጻፈው ደብዳቤ መረዳት ተችሏል፡፡